2019-05-04 However﹗

在IG見到一位中同向動物彈結他，她的工作是她的興趣，本身亦喜歡照顧動物，最近亦養成彈結他這興趣，兩種興趣一起發生，我覺得她生活很開心，一種我心底裡想要的生活


回望自己，其實所有事應該可以很簡單，供樓+稅貸差不多要了我命。我興趣有好多：結他、看書、看電影、運動、養小動物、砌模型/Lego，活出自己一片小天地，這些算不上難達成，為何我好似越來越做不到﹖中同這舉動，令我不禁想：有必要令自己這辛苦嗎﹖

工作上，我幾乎埋沒了自己。在屋企，我找不到自己的空間。而感情，又與自己屋企互相角力。經濟上，亦因為供樓的壓力而影響著感情以及金錢

我的興趣，漸漸被以上種種淹沒了，為了金錢，賣得東西盡量賣，搵到錢的就盡量搵，慳到的盡量慳，工作上為了尋永突破，搵更多錢，由睇小說轉睇英文書。工作量繁忙，放工後連英文書都累到不想看，放假要陪邊個邊個，雖然訓覺不算是很少，但運動已經是一種奢求

我爸幫不到手，淨係諗住同我重修舊好；我媽返老還童，淨係想我成世在仍身邊，不願放手；女友想結婚、想旅行、只想我一放假陪著佢

如果我想搵錢，我就少左時間陪家人、女友；如果我陪女友，我就夾不到時間陪家人；而如果陪家人，我女友詐型話我陪屋企人得啦，唔駛陪佢；我爸酒後吐真言，嫌我唔夠努力，只想有人不停鞭策我，叫我努力，就算做乞兒都要做最大果個

However﹗人生最大問題就是However﹗

然而，沒人問我心裡最想得到的是甚麼。我想有一個把我視作朋友、能夠以男人方式傾計的爸(而不是一個而家先黎教我、仲要唔係親手教的爸)，想有一個通情達理、有風範內涵心思的媽(而不是仍將我視作媽寶、怪獸家長、直升機家長，唔俾我出外去建立自己生活的媽)，想有一個能夠明白自己、體諒自己的女友(而唔係一日到尾要氹、要寵，不懂人情世故的女友)

．

我見到中同能夠有自己的開心生活，我很開心，都很累，我屋企支結他，都唔知幾耐沒拿過出來