(轉貼) 筲箕灣撞山妖同洪聖廟洪聖爺顯靈(拜神要小心)
source:
http://www.discuss.com.hk/viewthread.php?tid=21094095&extra=page%3D1
我家姐半年前驗到條頸有個腫瘤,唔知良性定惡性,
佢聽人地講去少人既廟拜會特別靈,
於是佢自己去左筲箕灣後山上面間廟(唔係洪聖廟,係山上面間乜神都有既廟),仲應承好番會還神.
我家姐離左婚,我同佢同埋佢個女一齊住,佢入院,我幫佢鄒住個女.
後來佢做完手術第二日佢個女就狂喊,仲喊到發燒,話見到有人o係屋企,嚇到我死.
之後幾晚,唔係晚晚,但係間唔鐘佢就喊.
我自己都聽到幾次敲門聲,敲完幾下成晚就唔會再敲.
我家姐後來講話佢拜過神話會還神(需然唔知點解班神急成禁,要人做完手術即日還神),
我即刻買份寶去還神,點知仲大鑊...
我去到後山,見到直上間廟條樓梯有個道友吸完毒o訓o係度,
於是行右邊條樓梯,
明明見住條樓梯係上間廟,但係行極都行唔到,
行行o下連間廟都唔見埋,越行越唔對路,
成座山本身好細,但係行到對腳好酸,
睇一睇個電話,應該行左差唔多八九個字,
上去其實應該淨係要十分鐘.
因為沿途有幾個神牌,爛左既神像同埋馬桶,好得人驚,
而最得人驚係行極都唔似行錯路,返左原位,係行極都唔同,行極都仲有,好似越行越深,但係一直都係上緊樓梯.
我真係好驚,於是掉頭落山,過多一陣,再望電話,見到已經再行左成四個字,真係好驚.
點知突然聽到有d怪聲,好似人扮雀仔叫,
個時覺得有人好過死o係山上面,
行落o的,見到好怪既事.
樓梯之外,山上面本身冇乜空地,
但係有7-9個細路,全部著白色t,黑褲,四個屈埋o係樓梯左邊,淨返個幾個係樓梯右邊,企o係個石膊度望,
全部都係短頭髮,
班細路講緊野,但係好似扮雀仔叫,右邊班細路笑緊,但係都好似扮雀仔叫(係扮雀仔叫,唔係真係似雀仔叫聲)
雖然日光日白,但係我已經好心寒,企左一陣終於把心一橫,落去問佢地.
一開口,突然有個著紅衫既人o係我後面走過黎,對我o殊一聲,跟住招一招手叫我跟住佢.
個人係後生仔,著件紅色有帽外套,牛仔褲,有鬚根,面色蒼白,
佢行埋班細路度,又係對佢地o殊一聲,但係個音調好怪,又係高音左,好似變埋雀仔叫,
跟住叫我行,有兩個細路仲望住我地,但係冇跟黎.
行左一兩分鐘,轉個彎,已經見到山下面個公園,
有兩條路,一條有棵樹o訓o係路中間,一條又要兜右少少先落.
但係明明兩條都清清楚楚見到落山,
佢一見我望右邊冇棵樹條路,即刻話(有樹條路)呢條先係落架,o個條返轉頭.
我已經行到冇力,當然唔敢試.
跟住行到落山,佢淨係講句唔好再黎啦就行走左.仲行得好快.
我已經冇力所以坐o係公園苐.
點知惡夢仲未完...因為我由頭到尾冇還過神...
o個晚,家姐個女照喊,我一帶佢出去廳又照聽到有人敲門,
今次o係我家姐間房入面有人敲,家姐個女都聽到,仲話有牛牛.
結果唯有一齊o訓,聽朝蹾風水老.
夜晚發夢,落左樓下見到後山班雀聲細路,但係個夢係完全冇聲,
行近o的,佢地居然全部係動物頭,
唔單止有牛頭馬面,係十二生肖動物,但係唔齊,
需然記唔清楚,但係肯定冇龍,蛇,雞,有牛,馬,豬,兔,
淨低o個幾個真係唔記得係乜.
跟住唔知點解又變左o係後山,仲成個後山都係香圍住條石梯,
我又跟住佢地行上去,見到帶我落山個後生仔坐o係一塊石膊,o訓緊.
跟住突然好嘈(之前完全冇發現周圍冇聲),
有牛叫聲,個後生仔醒左,仲對班十二生肖話又帶佢(我)返黎做乜,
佢又同我講,你(我)仲未落山o羊?行過一次仲唔識路?
跟住就聽到有人禁屋企門鐘,醒左.
一行到門口,居然見到度門自己鎖緊.
第二日,蹾完一個又一個風水o老,道士,
又話惡鬼,又話阿爸阿媽返上黎接我家姐,又話心理作用.
終於灣仔蹾到一個識請神既師父講得出乜事,仲知道好多我冇講既野.
佢話我家姐拜多左,除左神仲拜左後山d山精,又應承山精會還神.
個紅衫後生仔係山下洪聖爺廟既洪聖爺,見到我比山精捉左先救我,
跟住最得人驚係佢話要請神傾,點知佢居然扮雀仔叫(我冇同佢講過後山班細路扮雀叫).
最後佢話洪聖爺話我同我家姐都有魂魄比班細路(山精)收埋o係山,
叫我還神比山下洪聖爺,我地全家以後都唔好再上後山.唔好上山還神,
仲有我一世都唔可以食魚同海入面既o野(唔知點解,更加唔知點解係我唔係家姐,況且我好鍾意食魚).
化完寶,還完神,真係再冇怪事.
問返家姐先知道幾樣o野,令我更加信洪聖爺救左我地兩個.
原來我家姐落山時留左幾枝香拜石梯邊個爛觀音像同神牌,照樣應承會還神,同大師講拜多左完全符合.
我發惡夢比山精引返上山個日,我家姐o個晚有一刻個心跳得好快,呼吸唔到,又突然冇事.
我家姐問個女o係屋企見過乜(我唔敢問,驚嚇親細路女),佢話有個好快既人,著紅色衫.
最神奇係佢原來手術後係驗到仲有o野但係唔想講比我地聽,但係我拜左洪聖爺之後佢化驗結果居然乜事都冇!
而更奇怪既係我家姐根本由頭到尾反而冇拜過洪聖爺,淨係拜山上面o的神.
勁驚,因為我爺爺都同我講過件怪事,叫我唔好去後山
而且都係話山入面有山神,
勁似你講件事
日本打黎香港時冇野食,
我阿爺同一班人上山打算有草食草,有樹皮食樹皮
點知班人半路發現唔見左一個女仔,
個女仔出現時變左男人聲叫大家即刻落山,
仲好惡gam話呢度有山神,一草一木都唔偷得,
後來嚇到落山,個女仔話唔知自己變左聲,但係o個幾句係出自佢口
有班仙童教佢講gei,佢之前行開都係比班仙童引開
同你講gei勁似
跟住發生gei野有兩個版本,我阿爺一時一樣,所以我都冇點信過佢
佢一時話係比山神上身個女仔,
一時又話係另一個食左山上面d草gei女仔,
總而言之其中一個女仔有左,
生左個bb出黎,塊面好長,個鼻突晒出黎,耳仔打橫生,好似牛禁,但係冇角,
我阿爺都見過個bb
個bb好快餓死,
佢屋企人覺得不祥,燒左條屍,
個女人後來癲左,話有班細路跟住佢,
跟住仲啞埋.
住筲箕灣都未必知有呢兩坐廟,
因為須然周圍好多舖,但係主要係車房,
出地鐵,向賽馬會投注站方向直行,上行人天橋,行到盡頭就係座山
我由細到大住筲箕灣都從來冇上過座山,
都冇見過人上,因為聽講條石梯好難行,
山上面係有廟,
下面寫左好多個神名,所以我一直以為上面有幾間廟,
我更加唔知d廟有開,一直以為廢廟
洪聖廟就係山下面個細窿,
以前好多爛佛像o係廟則邊,仲恐怖,擺左至少廿年,
最近冇晒
好少人會去o個邊,因為大多數人都會拜天后廟同譚公廟
見到樓主話上山我都已經嚇左一跳,因為座山真係好恐怖
其實唔止我屋企,我細個都聽過同學有講過座山鬼怪o野,但係太細,已經唔係太記得
http://www.discuss.com.hk/viewthread.php?tid=21094095&extra=page%3D1
我家姐半年前驗到條頸有個腫瘤,唔知良性定惡性,
佢聽人地講去少人既廟拜會特別靈,
於是佢自己去左筲箕灣後山上面間廟(唔係洪聖廟,係山上面間乜神都有既廟),仲應承好番會還神.
我家姐離左婚,我同佢同埋佢個女一齊住,佢入院,我幫佢鄒住個女.
後來佢做完手術第二日佢個女就狂喊,仲喊到發燒,話見到有人o係屋企,嚇到我死.
之後幾晚,唔係晚晚,但係間唔鐘佢就喊.
我自己都聽到幾次敲門聲,敲完幾下成晚就唔會再敲.
我家姐後來講話佢拜過神話會還神(需然唔知點解班神急成禁,要人做完手術即日還神),
我即刻買份寶去還神,點知仲大鑊...
我去到後山,見到直上間廟條樓梯有個道友吸完毒o訓o係度,
於是行右邊條樓梯,
明明見住條樓梯係上間廟,但係行極都行唔到,
行行o下連間廟都唔見埋,越行越唔對路,
成座山本身好細,但係行到對腳好酸,
睇一睇個電話,應該行左差唔多八九個字,
上去其實應該淨係要十分鐘.
因為沿途有幾個神牌,爛左既神像同埋馬桶,好得人驚,
而最得人驚係行極都唔似行錯路,返左原位,係行極都唔同,行極都仲有,好似越行越深,但係一直都係上緊樓梯.
我真係好驚,於是掉頭落山,過多一陣,再望電話,見到已經再行左成四個字,真係好驚.
點知突然聽到有d怪聲,好似人扮雀仔叫,
個時覺得有人好過死o係山上面,
行落o的,見到好怪既事.
樓梯之外,山上面本身冇乜空地,
但係有7-9個細路,全部著白色t,黑褲,四個屈埋o係樓梯左邊,淨返個幾個係樓梯右邊,企o係個石膊度望,
全部都係短頭髮,
班細路講緊野,但係好似扮雀仔叫,右邊班細路笑緊,但係都好似扮雀仔叫(係扮雀仔叫,唔係真係似雀仔叫聲)
雖然日光日白,但係我已經好心寒,企左一陣終於把心一橫,落去問佢地.
一開口,突然有個著紅衫既人o係我後面走過黎,對我o殊一聲,跟住招一招手叫我跟住佢.
個人係後生仔,著件紅色有帽外套,牛仔褲,有鬚根,面色蒼白,
佢行埋班細路度,又係對佢地o殊一聲,但係個音調好怪,又係高音左,好似變埋雀仔叫,
跟住叫我行,有兩個細路仲望住我地,但係冇跟黎.
行左一兩分鐘,轉個彎,已經見到山下面個公園,
有兩條路,一條有棵樹o訓o係路中間,一條又要兜右少少先落.
但係明明兩條都清清楚楚見到落山,
佢一見我望右邊冇棵樹條路,即刻話(有樹條路)呢條先係落架,o個條返轉頭.
我已經行到冇力,當然唔敢試.
跟住行到落山,佢淨係講句唔好再黎啦就行走左.仲行得好快.
我已經冇力所以坐o係公園苐.
點知惡夢仲未完...因為我由頭到尾冇還過神...
o個晚,家姐個女照喊,我一帶佢出去廳又照聽到有人敲門,
今次o係我家姐間房入面有人敲,家姐個女都聽到,仲話有牛牛.
結果唯有一齊o訓,聽朝蹾風水老.
夜晚發夢,落左樓下見到後山班雀聲細路,但係個夢係完全冇聲,
行近o的,佢地居然全部係動物頭,
唔單止有牛頭馬面,係十二生肖動物,但係唔齊,
需然記唔清楚,但係肯定冇龍,蛇,雞,有牛,馬,豬,兔,
淨低o個幾個真係唔記得係乜.
跟住唔知點解又變左o係後山,仲成個後山都係香圍住條石梯,
我又跟住佢地行上去,見到帶我落山個後生仔坐o係一塊石膊,o訓緊.
跟住突然好嘈(之前完全冇發現周圍冇聲),
有牛叫聲,個後生仔醒左,仲對班十二生肖話又帶佢(我)返黎做乜,
佢又同我講,你(我)仲未落山o羊?行過一次仲唔識路?
跟住就聽到有人禁屋企門鐘,醒左.
一行到門口,居然見到度門自己鎖緊.
第二日,蹾完一個又一個風水o老,道士,
又話惡鬼,又話阿爸阿媽返上黎接我家姐,又話心理作用.
終於灣仔蹾到一個識請神既師父講得出乜事,仲知道好多我冇講既野.
佢話我家姐拜多左,除左神仲拜左後山d山精,又應承山精會還神.
個紅衫後生仔係山下洪聖爺廟既洪聖爺,見到我比山精捉左先救我,
跟住最得人驚係佢話要請神傾,點知佢居然扮雀仔叫(我冇同佢講過後山班細路扮雀叫).
最後佢話洪聖爺話我同我家姐都有魂魄比班細路(山精)收埋o係山,
叫我還神比山下洪聖爺,我地全家以後都唔好再上後山.唔好上山還神,
仲有我一世都唔可以食魚同海入面既o野(唔知點解,更加唔知點解係我唔係家姐,況且我好鍾意食魚).
化完寶,還完神,真係再冇怪事.
問返家姐先知道幾樣o野,令我更加信洪聖爺救左我地兩個.
原來我家姐落山時留左幾枝香拜石梯邊個爛觀音像同神牌,照樣應承會還神,同大師講拜多左完全符合.
我發惡夢比山精引返上山個日,我家姐o個晚有一刻個心跳得好快,呼吸唔到,又突然冇事.
我家姐問個女o係屋企見過乜(我唔敢問,驚嚇親細路女),佢話有個好快既人,著紅色衫.
最神奇係佢原來手術後係驗到仲有o野但係唔想講比我地聽,但係我拜左洪聖爺之後佢化驗結果居然乜事都冇!
而更奇怪既係我家姐根本由頭到尾反而冇拜過洪聖爺,淨係拜山上面o的神.
勁驚,因為我爺爺都同我講過件怪事,叫我唔好去後山
而且都係話山入面有山神,
勁似你講件事
日本打黎香港時冇野食,
我阿爺同一班人上山打算有草食草,有樹皮食樹皮
點知班人半路發現唔見左一個女仔,
個女仔出現時變左男人聲叫大家即刻落山,
仲好惡gam話呢度有山神,一草一木都唔偷得,
後來嚇到落山,個女仔話唔知自己變左聲,但係o個幾句係出自佢口
有班仙童教佢講gei,佢之前行開都係比班仙童引開
同你講gei勁似
跟住發生gei野有兩個版本,我阿爺一時一樣,所以我都冇點信過佢
佢一時話係比山神上身個女仔,
一時又話係另一個食左山上面d草gei女仔,
總而言之其中一個女仔有左,
生左個bb出黎,塊面好長,個鼻突晒出黎,耳仔打橫生,好似牛禁,但係冇角,
我阿爺都見過個bb
個bb好快餓死,
佢屋企人覺得不祥,燒左條屍,
個女人後來癲左,話有班細路跟住佢,
跟住仲啞埋.
住筲箕灣都未必知有呢兩坐廟,
因為須然周圍好多舖,但係主要係車房,
出地鐵,向賽馬會投注站方向直行,上行人天橋,行到盡頭就係座山
我由細到大住筲箕灣都從來冇上過座山,
都冇見過人上,因為聽講條石梯好難行,
山上面係有廟,
下面寫左好多個神名,所以我一直以為上面有幾間廟,
我更加唔知d廟有開,一直以為廢廟
洪聖廟就係山下面個細窿,
以前好多爛佛像o係廟則邊,仲恐怖,擺左至少廿年,
最近冇晒
好少人會去o個邊,因為大多數人都會拜天后廟同譚公廟
見到樓主話上山我都已經嚇左一跳,因為座山真係好恐怖
其實唔止我屋企,我細個都聽過同學有講過座山鬼怪o野,但係太細,已經唔係太記得
留言
發佈留言