（轉貼）一程巴士．一段小故事

今日我好累, 落著毛毛雨我冇帶傘 

放工我等車個腦淨係諗淨係食咩好同好想快d返屋企 

我有個慣性好鐘意坐巴士上層車頭位 

因為我可以望得遠d, 思考多d 

我屋企同公司條線係總站< >總站 

所以可以滿足到我呢個欲望 

放工時間好多人, 架車過左兩個站已經坐滿哂窗口位 

之後有位少婦帶著個6,7歲小朋友上車 

少婦坐左我隔離, 細路就坐左另外一邊 

開頭交談之中我睇到呢位媽咪 應該係放工之後接個仔 

個仔應該係放學之後去托兒所果到等媽咪收工 

全程車個細路都好乖唔係好百厭咁郁身郁勢 

聽埋個細路好無知咁問媽咪一d問題, 

有種對世界好奇既感覺, 我覺得好warm 

佢問到一個問題 

 兒: 媽咪, 咩叫結婚呀? 

 媽: 結婚係男同女之後愛既證明 

 兒: 咁媽咪我係咪都要同你結婚呀 

 媽: 你同媽咪我本身有親密關係所以唔洗, 我同爹dee本身大家係冇親密關係, 但大家都愛對方所以結婚 

 兒: 咁係咪唔可以分開架? 

 媽: 分開左就違反左個意義, 所以結婚前要諗清楚 

 兒: 咁爹dee唔係到係咪唔想愛我地呀? 

 媽: 爹dee唔係唔愛我地, 只係去左神果到繼續咁愛我地