2016-08-31 小改造 大滿足

每次在家吃晚飯，除非自己一個食，否則一定要拉張檯出來

拉得多，檯腳粒膠積了很多塵，每次拉都留下污積，又會嘈到樓下，而且張檯都唔輕，其實都係一個懶字，於是決定來個大改造

 我曾經在黑色膠墊下面另加一塊綿墊，減低發出嘈音，沒想到半年後已經積厚塵，同埋便左
屋企真係好多塵...

膠粒原來唔駛扭，一撬就得

 

 今次的主角：車轆
由於張檯真係幾重，所以在選擇車轆時一定要考慮承重量，所以車轆Platform比檯腳闊

在車轆面積較大，所以與檯腳之間需要加裝6分厚的木板
木板來說，垃圾房有很多，拿回家清洗一下，再拿沙紙輕輕拭擦，已經好靚仔

 

檯腳末端真係算細，只有3.5CM

 度好尺寸，開始鋸鋸鋸鋸鋸鋸鋸鋸鋸
P.S. 因為會有好多木槺，所以很不負責任地在後樓梯處理。洗單車都是在後樓梯處理

GOOD FIT﹗

 會考後曾經做過半年維修學師仔，辭職後就好少再鋸野，一岩一忽咁

 另外鋸多一舊細少少，這個檯腳的尺寸

係咁咦磨兩野

畫線度位

 轉完窿，發現個窿比實際細，修螺絲一定出盡洪荒之力，所以要轉大個窿
工具不足這問題老常出現

 在木方中間開兩個窿

 再在檯腳鑽多兩個窿

 

修螺絲

 

再裝上車轆

修絲帽

 完成﹗

 試行幾野，還好，唔太震，放波子在檯面都冇乜點郁，我當成功了

長篇後記：

早一星期前因總部提出邀請過檔一個月，希望幫其部門拍攝一條片，並認真地想我調正，離開我現在的部門，然而我要考慮的事好簡單：如果我調走了，人工會少了，金額都幾大的，所以一年一度的迷茫又來了，要人工定興趣﹖

我要搵錢，是想做些甚麼﹖

然後有個朋友給我看一個MV

睇完之後，我問佢：

「你夢想係乜﹖」

「 環遊世界」

我想了一會：「我更迷茫」

「點解﹖因為未諗到﹖」

「夢想我以前都有，但現在就...」

他插口：「俾你抑壓左」，他續說：「其實個mv就係要鼓勵你做返自己既夢想」

「 其實人越大，開始分不清乜野叫夢想」

「夢想係，做左會滿足、會開心」

這句說話好精警，我記住左幾天。這幾天難得可以一個人靜下來，再次思考這句說話

有些甚麼做了我會開心、會滿足

 又其實...我可以因為做任何野都可以好開心

在學堂，睇住體能上不斷突破自己，我會很滿足；

辛辛苦苦拍到部戲出來，正式上畫，我會很有感受，好想做落去；

駕艇仔去做接載或者做CASE，我幫到人、救到人，我會覺得很有成功感；

有時借到部車返黎，駕車遊下車河，沒特定路線，隨心所欲，我會很滿足；

整把激光劍出來，努力得到人認同，我覺得好開心；

簡單如能夠同外國人溝通到，我會覺得自己同以前又唔同左；

又如當初學結他、學影相拍片，最後完整彈首歌出來，影到滿意的相、拍到自己滿意的作品，我會好開心自己可以做到

在跟朋友道別之前，他跟我說：「夢想唔一定要有遠大理想」

人有目標，做人才會充實一點，所以我朋友會訂下短期目標，透過實現短期目標，一步步去接近夢想

回到今次的飯檯小改造

這個小小的DIY其實相當簡單，中學生都能夠做到，雖然有點醜陋，但自己做完之後，或多或少會開心，看著自己的作品/成果，不禁會心微笑

只要做到之前沒做過或者做唔到既，我就已經很滿足，很開心

從另一個角度諗，如果每日都做到之前沒做過或者做唔到既，咁又算唔算達成夢想呢﹖如果係咁，我日日都夢想成真，哈哈

又好像我朋友般，為自己訂下短期目標(健康+財務自由)，一步步走近自己的夢想(環遊世界)

人生也不過如此嗎﹖

最後記：

我小時候的夢想，係想做一個賽車手，到現在都仍然很想做